गिरीश कुबेर लिखित ‘रेनिसान्स स्टेट: द अनरिटन स्टोरी ऑफ द मेकिंग ऑफ महाराष्ट्र’ या पुस्तकावर बंदी घालण्याची मागणी आता सर्व स्थरातून होत आहे. या पुस्तकावर अनेक तसेच विविध राजकीय पक्षांनी आक्षेप नोंदवला आहे. त्यांच्या या पुस्तकामध्ये दुुसरे छत्रपती संभाजी महाराज यांच्याबद्दल अपमानास्पद व आक्षेपार्ह लेखन करण्यात आले आहे. त्यामुळे गिरीश कुबेर यांच्या अडचणीत वाढ होताना दिसत आहे. त्यानंतर आता पुण्यात भारतीय जनता पक्षाने गिरिश कुबेर यांच्याविरोधात गुन्हा दाखल करण्यात आला आहे.
आता त्या पाठोपाठ छत्रपती संभाजी महाराजांच्या बद्दल वादग्रस्त लिखाण करणार्‍या लेखक गिरीश कुबेर यांचा सोलापुरात पुतळा दहन करण्यात आला. सोलापुरातील छत्रपती संभाजी महाराजांच्या पुतळ्यासमोर कुबेरांचा पुतळा जाळून त्यांना सोलापुरात पाय न ठेवू देण्याचा इशारा राष्ट्रवादीचे माजी उपमहापाैर दिलीप कोल्हे यांनी दिला आहे.त्यामुळे येणाऱ्या दिवसात महाराष्ट्रात कुबेर यांच्या प्रकरण आणखी तापण्याची शक्यता वर्तवण्यात येत आहे.
लेखक गिरीश कुबेर यांनी आपल्या पुस्तकात छत्रपती संभाजी महाराजांबद्दल केलेले वादग्रस्त लिखाण मागे घेण्यात यावे या मागणीसाठी सोलापुरात आंदोलन करण्यात आले आहे. तसेच पुण्यात येवून कुबेरांना काळे फसण्याचा इशारा देखील यावेळी मराठा समाजाच्या वतीने देण्यात आला आहे. गिरीश कुबेर यांनी जे वादग्रस्त लिखाण केले ते अतिशय निंदनीय आहे. त्यामुळे त्यांच्या पुतळ्याचे आम्ही दहन केले आहे. शासनाला आमची विनंती आहे हे पुस्तकातील लिखाण रद्द करावे, अन्यथा पुढील आंदोलन उग्र करणार असल्याचे दिलीप कोल्हे यांनी सांगितले.
