कोल्हापूर : सध्या संपूर्ण राज्यात मराठा आरक्षणाचा मुद्धा चांगलाच गाजताना दिसून येत आहे. तसेच सत्ताधारी आणि विरोधकांनी आपली जबाबदारी झटकून एकमेकांवर चिकलफेर सुरु केली आहे. त्यातच आज खासदार छत्रपती संभाजी राजेंनी राष्ट्रवादीचे अध्यक्ष शरद पवार यांची त्यांच्या सिल्वर ओक या निवासस्थानी भेट घेऊन मराठा आरक्षण मुद्द्यावर चर्चा केली. आता याच मुद्द्यावर आज कोल्हापूर येथे भाजपा प्रदेशाध्यक्ष चंद्रकांत पाटील यांनी भाष्य केले आहे.
भाजपानं पक्ष म्हणून किती सन्मान दिला हे संभाजीराजे सांगत नाहीयेत असं वक्तव्य भाजपचे प्रदेशाध्यक्ष चंद्रकांत पाटील यांनी करून नव्या वादाला तोंड फोडले आहे. तसेच राजेंचा केला गेलेला सन्मान हा बहुदा इतरांना माहित नाही असही पाटील म्हणालेत. पंतप्रधान नरेंद्र मोदी यांना चार चार वेळेस पत्र लिहून भेट मागितली पण संभाजी छत्रपतींना मोदींनी भेट दिलेली नाही. त्यावर खुद्द संभाजी छत्रपतींनी जाहीर नाराजी व्यक्त केली आहे. विरोधकांनी याच नाराजीचा फायदा उठवत भाजपावर टीका केली होती. त्याच पार्श्वभूमीवर चंद्रकांत पाटील यांनी कोल्हापुरात हे वक्तव्य केलं आहे.
पुढे पाटील म्हणाले की, अहमदाबादमध्ये खा. संभाजी छत्रपतींंच्या सन्मानार्थ मोदींसह सर्वजण उभे राहीले. एवढच नाही तर शाहुंच्या वंशजांना पक्ष कार्यालयात बोलावू नका असही मोदी म्हणाल्याचा चंद्रकांत पाटील यांनी आवर्जून सांगितलं. सध्या संभाजी छत्रपती हे मराठा आरक्षणाच्या मुद्यावर राज्यात ठिकठिकाणी भेटीगाठी करतायत. त्यात एक वेळेस त्यांनी आरक्षणाचा प्रश्न सुटणार असेल तर मी खासदारकीही सोडायला तयार असल्याचं म्हणाले.
त्यात संभाजी राजे यांचे खासदारकी सोडण्याचं वक्तव्य भाजपविरोधी म्हणून पाहिलं जातं आहे. तेव्हापासूनच भाजपा आणि संभाजी छत्रपती यांच्यात मतभेद असल्याची चर्चा सुरु झाली. एवढच नाही तर संभाजी छत्रपती हे मोदीविरोधी भूमिका घेतायत का? अशी चर्चाही सध्या होती आहे. चंद्रकांत पाटील यांनीही संभाजीराजे व्यक्ती म्हणून काय करतात त्याचं त्यांना स्वातंत्र्य असल्याचं म्हणाले. आमच्याकडून त्यांच्याबद्दल अपशब्द निघणार नाही एवढच नाही तर नेतृत्व करणाऱ्यासोबत पक्ष झेंडा बाजुला ठेऊन आम्ही सहभागी होणार असही पाटलांनी सांगितले आहे.
