“नरेंद्र मोदी आणि अमित शाह तुम्ही मसनात जा, हिमालयात जाऊन संन्यास घ्या!”

भाजपचे प्रदेशाध्यक्ष चंद्रकांत यांनी काल पुण्यात राष्ट्रवादीच्या खासदार सुप्रिया सुळे यांच्यावर टीका केली. ‘तुम्ही दिल्लीत जा, नाही तर मसनात जा. पण आरक्षण द्या!”, असं चंद्रकांत पाटील यांनी म्हटलं. त्यावरून आता महाविकास आघाडीतील नेते त्यांच्यावर घणाघाती टीका करत आहेत.

रूपाली पाटील यांच्यानंतर आता शिवसेनेच्या नेत्या दिपाली सय्यद यांनी चंद्रकांत पाटलांवर हल्ला चढवला आहे. ‘नरेंद्र मोदी आणि अमित शाह तुम्ही मसनात जा’, असं दिपाली सय्यद म्हणाल्या आहेत. त्या टीव्ही 9 मराठीशी बोलत होत्या. यापूर्वी सुद्धा दिली सय्यद यांनी थेट राज ठाकरे यांच्या अयोध्या दौऱ्यावरून टीका केली होती.

चंद्रकांत पाटील काय म्हणाले होते?

काल भाजपकडून ओबीसी आरक्षणासंदर्भात पु्ण्यात मोर्चा काढण्यात आला होता. यात चंद्रकांत पाटील यांनी राष्ट्रावादीच्या खासदार सुप्रिया सुळे यांच्यावर टीका केली. “तुम्ही राजकारणात कश्यासाठी राहत आहात. घरी जा, स्वयंपाक करा.”, असं चंद्रकांत पाटील म्हणाले. शिवाय मुख्यमंत्र्यांची भेट घेण्याचा प्रोटोकॉलही समजावला. ते म्हणाले, “तुम्ही खासदार आहात ना, मुख्यमंत्र्यांची भेट कशी घेतात, हे तुम्हाला माहित नाही? शिष्टमंडळ पाठवायचं असतं एवढंही माहित नाही. आता तुम्ही घरी जाण्याची वेळ आली आहे.” त्यापुढे ते म्हणाले, “आम्ही दिल्लीत जा, नाही तर मसनात जा. पण आरक्षण द्या!”