नवी दिल्ली | बंगाली अभिनेत्री आणि तृणमूलच्या खासदार नुसरत जहाँ उद्योगपती निखिल जैनसोबत लग्नच मान्य नसल्याचे सांगून नव्या वादाला तोंड फोडले आहे. प्रेग्नंट असलेल्या नुसरत यांच्या या विधानामुळे नुसरत जहाँची खासदारकी धोक्यात येण्याची शक्यता निर्माण झाली आहे. भाजपा नेते अमित मालवीय यांनी यावर मोठे प्रश्नचिन्ह उपस्थित केले आहे. तसेच जोरदार टीका सुद्धा केली आहे.
अमित मालवीय हे भाजपाचे आय़टी सेल प्रमुख आहेत. त्यांनी नुसरत जहाँच्या निखिल जैनसोबत लग्न मान्य नसल्याच्या वक्तव्यावर ट्विटरवर एक व्हिडीओ पोस्ट करत जोरदार टीका केली आहे. तृणमूल खासदार नुसरत जहाँ रुही जैन यांचे हे खासगी आयुष्य आहे. त्या कोणासोबत लग्न करतात, कोणासोबत राहतात याच्याशी कोणाचा काही संबंध असता नये. परंतू त्या एक लोकप्रतिनिधी आहेत. मग अशावेळी भर संसदेत नुसरत जहाँ यांनी निखिल जैनसोबत लग्न केल्याची घोषणा केली होती. हे संसदेच्या रेकॉर्डवर आले आहे. आता त्या लग्न नाकारत आहेत. मग त्या संसदेत खोटे बोलल्या का? असा सवाल उपस्थित केला आहे.
आता नुसरत जहाँ यांच्या या विधानामुळे त्यांच्या अडचणी वाढल्या आहेत तसेच नुसरत जहाँ यांनी संसदेत शपथ घेण्याआधी हे लग्न केले होते. यानंतर त्यांनी शपथ घेत असताना सलाम वालेकुम नमस्कार असे म्हणत मी, नुसरता जहाँ रुही जैन….अशी शपथ घेतली होती. यावर अद्याप तृणमूल काँग्रेसने कोणतीही स्पष्टीकरण दिलेले नाही नुसरत जहाँ हिने २०१९ मध्ये उद्योगपती निखिल जैन याच्याशी विवाह केला होता. नुसरत जहाँ हिने स्वत:च आपल्या विवाहाचे फोटो सोशल मीडियावर शेअर केले होते.
मात्र आता नुसरत जहाँ ही हा विवाह वैध नसल्याचे सांगत आहे. गेल्या काही काळापासून नुसरत आणि निखिल यांच्यात मतभेद झाल्याच्या बातम्या येत होत्या. गेल्या सहा महिन्यापासून आपण एकत्र राहत नसल्याचे नुसरतचा पती निखिल याने सांगितले आहे. याचदरम्यान नुसरत गर्भवती असल्याची चर्चाही सुरू झाली होती. त्यावर प्रतिक्रिया देताना निखिलने याबाबत आपल्याला माहिती नसल्याचे तसेच ती गर्भवती असेल तर ते मुल त्याचे नसल्याचे सांगितले.
