लिव्ह इन रिलेशनशीपमध्ये राहणाऱ्या महिलांविषयी शंका उपस्थित करणाऱ्या आमदार अबु आझमी यांना भाजपा नेत्या चित्रा वाघ यांनी चांगलेच फटकारले आहे. आझमी यांच्या टीकेला आता चित्रा वाघ यांनी ट्विट करून उत्तर दिले आहे.
. लिव्ह इन म्हणजे सोबत राहणं फक्त, तो शरीरसंबंधांचा परवाना नाही. अबू आझमींना हे माहित नसेल लग्नाची बायकोही नवऱ्याविरोधात बलात्काराची तक्रार करू शकते. स्वतःला बायकोचे मालक समजणाऱ्यांना अशा कायदेशीर तरतूदींमागची खोली कशी कळणार असा टोला ट्विट करून आझमी यांना लगावला आहे.
“देशात कायदाच चुकीचा आहे. कायद्यानुसार कुठलीही स्त्री लग्नाशिवाय कुठल्याही व्यक्तीसोबत राहू शकते. लिव्ह इन रिलेशन. व्हॉट इज धीस लिव्ह इन रिलेशनशीप? तर तुम्ही एका महिलेला पुरुषासोबत लिव्ह इन रिलेशनमध्ये राहू देता, कुठलाही गुन्हा नाही, वर्षभर एकत्र राहिले आणि नंतर सांगितलं माझा बलात्कार झाला अशा शब्दात आझमी यांनी संताप व्यक्त केला होता.
