राष्ट्रवादीचे नेते एकनाथ खडसे यांचिये गिरीश महाजन यांच्यावर केलेल्या संभाषांची क्लिप वायरल झाल्यानंतर महाजन यांनी खडसेंवर जोरदार टीका केली होती. महाजन यांनी खडसेंचं मानसिक संतुलन बिघडल्याचं वक्तव्य केले होते. आता या केलेल्या वक्तव्यानंतर खडसे यांनी देखील त्याला प्रत्युत्तर दिले आहे. “माझी तब्येत एकदम ठणठणीत आहे. गिरीश भाऊ यांना खात्री करायची असेल तर ते करू शकता”, असं खडसे म्हणाले आहेत.
पुढे बोलताना खडसे म्हणाले की, गिरीश महाजन यांचा आपल्याला सर्व इतिहास माहिती असून त्यांना राजकारणात जन्माला मी आणलं, असं मोठं विधान खडसे यांनी केलं आहे. मी जे ऑडिओ रेकॉर्डमध्ये बोललो आहे, जामनेर मतदारसंघातून मला नागरिकांचे फोन येत आहेत. तालुक्यात पाणीटंचाईची समस्या आहे. कोरोनाच्या काळात दिवसेंदिवस तिथे रुग्णांचे अक्षरक्ष: मुर्दे पडत आहेत. नागरिकांच्या अनेक समस्या तालुक्यात आहेत.
मात्र गिरीश महाजन तिकडे पश्चिम बंगालमध्ये प्रचारासाठी फिरत आहेत. तालुक्यातील नागरिक माझ्याकडे संताप व्यक्त करत आहेत. १९९४, १९९५ मध्ये फरदापूर येथे गिरीश महाजन यांची काय घटना घडली होती ती मला आणि जनतेलाही माहिती आहे. त्यांचा पूर्ण इतिहास मला माहिती आहे. त्यामुळे काळजी करण्याची गरज नाही”, असा इशारा एकनाथ खडसे यांनी दिला आहे. आता या टीकेला महाजन काय उत्तर देतात हे पाहावे लागणार आहे.
