मुंबई :राज्यात पुन्हा एकदा कोरोनाने आपलं डोकं वर काढलं आहे. त्यात राज्यातील काही शहरांमध्ये वाढत असलेली रुग्णसंख्या स्थानिक प्रशासनाच्या अडचनी वाढवताना दिसत आहे. त्यातच मुख्यमंत्री उद्धव ठाकरे यांनी आज जे जे रुग्णालयात लस घेतल्यानंतर प्रसार माध्यमांशी संवाद साधला होता.
यावेळी मुख्यमंत्री उद्धव ठाकरे यांनी लोकांना लस संदर्भात भीती न बाळगण्याचे आव्हान केले होते. तसेच त्यांनी पुन्हा एकदा कडक लॉकडाउनचा इशारा दिला आहे. येत्या एक दोन दिवसात निर्णय घेणार असल्याचे त्यांनी सांगितले आहे.
यावेळी बोलताना मुख्यमंत्री म्हणाले की, कदाचित काही दिवसांमध्ये काही ठिकाणी लॉकडाउन करावा लागेल. त्यामुळे लसीकरण करुन घ्या, बाहेर अनावश्यक गर्दी टाळा, विनाकारण बाहेर येणं-जाणं टाळा, सार्वजनिक ठिकाणी मास्क लावा, हात धुवा, अंतर ठेवा असे आव्हान त्यांनी जनतेला केले आहे.
