भाजपचे नेते नामदेव राऊत यांनी नुकताच भाजपच्या सदस्यपदाचा राजीनामा दिला होता. ते राष्ट्रवादीचे आमदार रोहित पवार यांच्या संपर्कात होते. त्यांनी अखेर कार्यकर्त्यांसमवेत मुंबई येथे उपमुख्यमंत्री अजित पवार, आ. रोहित पवार यांच्या उपस्थितीत राष्ट्रवादी कॉंग्रेसमध्ये प्रवेश केला. या प्रवेशामुळे भाजपाला मोठा धक्का बसला आहे
कर्जत- जामखेड मतदारसंघात आ. रोहित पवार यांनी मोठी राजकीय उलथापालथ घडवून आणली आहे. माजी मंत्री प्रा.राम शिंदे यांना धक्का देत कर्जतचे माजी नगराध्यक्ष नामदेव राऊत यांचा प्रवेश घडवून आणला आहे. राऊत हे मोठा जनसंपर्क असलेले नेते आहेत. या प्रवेशामुळे येणाऱ्या स्थानिक निवडणुकीत भाजपाला मोह धक्का बाण्याचे शकयता वर्तवली जात आहे. राऊत त्यांच्यासोबत सर्व समाजातील कार्यकर्त्यांचा मोठा गट असून मतदारसंघातील प्रत्येक गावामध्ये त्यांचा स्वतःचा असा कार्यकर्ता आहे. केवळ ओबीसी चेहरा नव्हे तर भविष्यातील आमदार म्हणूनही त्यांच्याकडे पाहिले जाते.पंचवीस वर्षापासून भाजपचा आमदार निवडून आणण्यात राऊत यांचे मोलाचे योगदान होते.
मुंबई येथील महाराष्ट्र प्रदेश राष्ट्रवादी कॉंग्रेस पार्टीच्या कार्यालयात आज, गुरुवारी राष्ट्रवादी कॉंग्रेसचे पिंपरी-चिंचवड शहराध्यक्ष संजोग वाघेरे, माजी विरोधी पक्षनेते नाना काटे, ज्येष्ठ नेते भाऊसाहेब भोईर, माजी नगरसेवक राजेंद्र जगताप, अतुल शितोळे, पक्षाचे शहर मुख्य संघटक अरुण बोऱ्हाडे यांच्यासह पदाधिकारी व कार्यकर्ते उपस्थित होते. राज्याचे उपमुख्यमंत्री अजित पवार यांनी राष्ट्रवादी कॉंग्रेस पक्षात प्रवेश केलेल्या सर्व पदाधिकारी, कार्यकर्त्यांचे स्वागत केले.
