राज्यात हनुमान चालिसा आणि मशीदीवरील भोंगा यावरून राजकीय वातावरण चांगलंच तापलं आहे. मनसे अध्यक्ष राज ठाकरेंनी मशीदीवरील भोंगे हटवण्याबाबत 3 मे पर्यंत सरकारला वेळ दिला आहे. त्यानंतर राजकीय वर्तुळात आरोप-प्रत्यारोप सुरू झाले. आता राज ठाकरेंना शिवसेना खासदार संजय राऊत यांनी आव्हान दिलं.
हनुमान चालिसा राज ठाकरेंनी म्हणून दाखवण्याचं आव्हान दिलं आहे. यासोबत संजय राऊत यांनी अयोध्येबाबत एक मोठी माहिती दिली. मे महिन्याच्या पहिल्या किंवा दुसऱ्या आठवड्यात आदित्य ठाकरे अयोध्याची जाण्याची शक्यता आहे असं संजय राऊत यांनी सांगितलं.
अयोध्या आमचं घर आहे. अयोध्येला आम्ही पाहुणे नाही. अयोध्या आमचं स्वागत करते असंही संजय राऊत बोलताना म्हणाले. यावेळी त्यांनी आदित्य ठाकरे अयोध्येला जाणार असल्याचा खुलासा केला.
