केंद्रीय मंत्री नारायण राणे यांचे पुत्र आणि महाराष्ट्र भाजपचे प्रदेश सचिव निलेश राणे यांनी राज्यातील परिस्थितीवरुन यांनी राष्ट्रवादी काँग्रेसचे अध्यक्ष शरद पवार यांच्यावर जोरदार हल्ला चढवला आहे. निलेश राणे अनेकदा ट्विटरवरुन सत्ताधारी नेत्यांवर टीका करत असतात. आता त्यांनी ट्विटरवरुन शरद पवारांवर निशाणा साधला आहे.
आपल्या ट्वीटमध्ये ते म्हणाले, “4 वेळा मुख्यमंत्री, जवळपास 20 वर्ष केंद्रात मंत्री, 50 वर्षे आमदार किंवा खासदार, अनेक संस्थांवर अध्यक्ष. तरीदेखील पवार साहेब बेरोजगारी, शेतकरी आत्महत्या वगैरेवर भाष्य करतात. मग प्रश्न पडतो इतके वर्ष तुम्ही काय केलं? तेव्हा काहीतरी केलं असतं तर लोकांनी तुम्हाला डोक्यावर घेतलं असतं,” अशी खोचक टीका राणेंनी केली
तसेच दुसऱ्या एका ट्विटमध्ये निलेश राणेंनी नवनीत राणा यांच्या फोटोवरुन शिवसेनेवर निशाणा साधला. “मुंबईची व महाराष्ट्राची सगळी कामे पूर्ण झाली आहेत, एकही काम शिल्लक नाही. म्हणूनच शिवसेनेचे नेते मंडळी नवनीत राणा MRI मशीनमध्ये त्यांची तपासणी होताना बाहेरून फोटो कोणी काढला हे शोधण्यासाठी स्वतः लीलावती हॉस्पिटलला गेले असा टोला त्यांनी लगावला होता.
