उस्मानाबाद (राजकीयकट्टा प्रतिनिधी)-मागील वर्षभरापासून चालू असलेल्या कोरोना प्रादुर्भावामुळे शाळा, महाविद्यालये, खाजगी शिकवण्या पुर्ण अवस्थेने बंद आहेत. ऑनलाईन शिक्षण पद्‌धतीच्या माध्यमातून सध्या विद्यार्थ्यांचे शिक्षण चालू आहे. पहिल्या लाटेमुळे मागील वर्षी प्रत्यक्षात शिक्षण व्यवस्था ही चाललीच नाही. या वर्षी पण दुसऱ्या लाटेमुळे शाळा, महाविद्यालये चालू शकले नाहीत, त्यामुळे केवळ ऑनलाईन या एवढ्‌याच पद्‌धतीवर विद्यार्थ्यांना शिक्षण प्रक्रिया समजून घ्यावी लागत आहे. ऑनलाईन पद्‌धतीमुळे तांत्रिकी दृष्ट्‌या विद्यार्थी अभ्यास करून पुढच्या वर्षी जातीलही परंतू त्यांच्या बौदि्‌धक विकासाचा प्रश्न ही मोठी समस्या निर्माण होत आहे, त्यामुळे खाजगी शिकवणी चालकांना मर्यादित क्षमतेनुसार कोरोनाच्या नियम, अटी व शासनाने दिलेल्या आरोग्याचे निर्देश पाळून शहर व जिल्ह्यातील खाजगी शिकवणी धारकांना मर्यादित संख्येनिहाय शिकवणी वर्ग चालू करण्यास मान्यता दिल्यास विद्यार्थ्यांचा निर्माण होणारा बौदि्‌धक विकासाचा प्रश्न सुटण्यास काही अंशी मदत होईल.
कोरोना प्रादुर्भाच्या दुसऱ्या लाटेमुळे व संभाव्य येणाऱ्या तिसऱ्या लाटेमुळे शाळा चालू होण्याची शक्यता धुसर दिसत आहे. त्यामुळे विद्यार्थ्यांच्या निर्माण होणाऱ्या शैक्षणिक शंका निरसनासाठी खाजगी शिकवणी (ट्‌युशन) वर्गास मान्यता द्यावी व विद्यार्थ्यांचा प्रश्न सोडवावा अशी मागणी भाजपाचे माजी जिल्हाध्यक्ष दत्ताभाऊ कुलकर्णी यांनी उस्मानाबादचे जिल्हाधिकारी कौस्तुभ दिवेगावकर यांच्याकडे पत्राद्वारे केली आहे.
उस्मानाबाद प्रतिनिधी-डॉ.वेदप्रकाश पाटील शैक्षणिक संकुल गडपाटी,उस्मानाबाद येथील आर.पी. औषध निर्माणशास्त्र महाविद्यालयामध्ये नवीनच सुरू झालेल्या डी.फार्मसी अभ्यासक्रमाच्या प्रवेशित प्रथम वर्षाच्या विद्यार्थ्यांसाठी...
कोल्हापूर | राष्ट्रवादीचे नेते आणि ग्रामविकास मंत्री हसन मुश्रीफ पालकमंत्रीपद सोडणार या चर्चेने पुन्हा वेग घेतला आहे. कोल्हापूर जिल्ह्याच्या राजकारणावर...
फेसबुकच्या माध्यमातून स्वातंत्र्यवीर सावरकरांची बदनामी करणाऱ्या काँग्रेस नेते आणि ऊर्जामंत्री नितीन राऊत यांच्याविरुद्ध मुंबई भाजपा प्रभारी व कांदिवली पूर्व विधानसभा...
